मेरी मायादार

मेरी मायादार

मेरी मायादार  तेरी माया  कनी स्वाणी
सर्र रर  बथों जानो  जानो ठंडो पाणी
सड्कियो का मोड़  जना
गद्नियों का छोड़ जना
घनघोर जंगलु माँ
ऊँचा ऊँचा पौड जना
काफुआ हिलांस  जनि -मी थैं बुलाणी......
मेरी मायादार  तेरी माया  कनी स्वाणी
फूलों माँ जन बुरांस
पुन्ग्डियो माँ हरो घास
अर जानो ऊँचो आकाश
जेठ को  तैल्लो घाम
सौण को बाथूवाणी......
मेरी मायादार  तेरी माया  कनी स्वाणी 
 नजर सी भी नी दिखेंदी
कन्दोडीयो भी नी सुनेंदी
हांथू से भी नी छुयेंदी
कनके वा धावो लगान्दी
युग बीती गेइना पर
कैन नी पछाणी..........  मेरी मायादार  तेरी माया  कनी स्वाणी
सर्र रर  बथों जानो  जानो ठंडो पाणी